NO MORE CHIN

ADS

Hih link http://www.theindychannel.com/news/local-news/southport-woman-appalled-at-no-more-chin-sign ah “No More Chin” cih inn neite omloh kalin akoih mikitheilo in avengten na mu uh hi. Aveng nupi khat Laure Wilkes in tu 2016 ciangna ngawnin hihbang kihuatna omlai hiam? Ci in IndyChannel tekiang hihbang anti-Chin dikasak lohzia gen hi. Hih thupiangkhit phet in Chin Committee Indiana te statement suaksak uh a, Homecell, inn ah honthungette leh innthak lopna pawite bawlnanwnlo ding hi hang cih phuang laakta uh hi.

Burmese American Community Institute te data ngah navuah 2015 ciangin Indianapolis khuapi sungbekbek ah Kawlgam pan pemta 13896 om in Chin State Myanmar pan in hongpem atam hi uh hi. Tuatelak ah Zomi te 800 kiim om hi. Indianapolis pen Haka, Falam, Zotung, Zophei, tekhuapi [Chin Khuapi] khathi zong kici thei hi.

Hibang Chin mite tamna penpen USA gamsungah, “No More Chin” Anti-Chin hong omtakciangin Pawlpi tuamtuam ten’zong Biakinn sungah mipihte kidoptheih zah in kidop ding gentehna, mi-inn ah hawhciang or lengla neihciang veng [namdangte] parking khawng ah park ziauziau loding cihte warning kipia ciat hi.

Zalen nagam leh Christian gamin akingaihsun leitungah pilna sumleh pai tawh avanglianpen USA ah ei Zogam/Chin gampan ipemtakciang culture leh living standard te hangin buaina omziuhziuh hi. Politics lamah pailo zaw in Indianapolis leh USgam sung hih “No More Chin” hangin enpak nici leng ei Zomi tezong kidop huai mahmah kasa hi. Banghiam?

Chin cih kammalpen eideih leh eihih na hilo in Kawlte, “Tangechin” lawm, “Chin”bawm/seng cihna tawh min hongvawh uh hi a, Kawlgam banghi zenzenleh “No More Chin” in Kawlte muhna panin hongsu khading himawk hi. USA atungsa Haka, Falam tenzong ei Chinte mah hongcici lai uh himahleh ei Zomiten’ USA office thupi te-ah kampau translation hitaleh minam min in Zomi hi ung ihcihman in lung hihmawh huailophot hi. Ahangpen “Chin” tawh ih identity kisawhkhalo hi. Ahizongin ih omna [apartment] nasepna sai/grocery paina tekibang mawk ahihman in ihmelzong namdangte muhna ah kibanglel mawk ahihman in hici muhvatin hong khensiamlo uh ahihmanin lunghihmawh huai veve hi.

Ihsang gam Chinte homecell, Innthungetlakna, Innthakpawi te neinawn loding cikhin uh ahihman in ei Zomite kiangah zong hong propose zenzen le uh bang icidawn tam? Movement khatpen alianpi pankipan hilo a, thuneu no gentehna minam kideidanna [racism, discrimination] te sensitive mahmah ahihman in ei Zomi tecih thadah Kawlgam mi [Burmese] khempeuhzong affect loding kicithei lo hi. Tua ahihmanin mite pilna cihthadah tutdan khawldan nangawn sinding tampi omlai leh kilawm hi. UNHR, IOM tetungpanin USA gam ah pemta in ihomtheih napen kiniamkhiat natawh phawkden a, Israel mite Babylon ah sila in aom lai-un Pasian kammal avaikhak bangin ih omding pen thupi mahmah hi. Pasian in Israel tekiangah Kikhual unla zileh tanei in na omna gamte adingun thupha hi un acihphawk ing.

Amau honghuhna Foodstamp te akipan amau cihbangin zanglo in amau mai-ah thukimna agreement signature tawhkituak in zanglo a a ut ut un akizatciang avan leina sai/grocery lileh ngabang kikhaksak mawk hi.

Pilna ineihloh ciangin awareness kithudon lo in hongtunciang kigumthuak mawk hi. Gentehna in May 2, 2008 in Cyclone khauhmahmah omding hi cih U Tun Lwin in kumpi tezasak mahleh donlo ahihman un mihing 15,0000 val-in Irrawaddy Division ah anuntakna beilawh hi.

Sanggam Chin te Homecell, Inn ah honthunget leh Innthaklopna pawite neihding phawlnawnlo uh ahihciangin thupoi mawhkhat ahihna ngaihsun kha kahih manin tulai USA gam a om Zomite zong lesson hongpia khathei dingcih lam et na tawh hong postkha hi ing.

Deihsak na tawh!Anti_Chin_sign_found_in_front_yard_of_va_0_37604028_ver1.0_640_480

Leave a comment

Your email address will not be published.


*