BUANLI KHUA TANGTHU

ADS

Buanli khua i cih pen Tedim gam nitumna lam ah om a, Kawlgam leh India gamgi neh lentang mual dung tawh a kizom mual tung khua khat ahi hi. 1895 kumin kisat a 1995 kumin kum 100 cinna pawi kibawl hi.

Buanli Khuasat Nading Thu Pawl Khat

Buanli khua pen Lamzang, Muizawl leh Tongsial khuate panin unau pawlkhatte leh a kithutuak lawmta pawlkhatte kiciamin a sat uh khua khat ahi hi. Buanli khuasat nading thupiang pawlkhat a nuai-a bang ahi hi.

1. 1890 kum anpawi khit hunin Mangkang kumpite in Tedim a lak khit phetin Salap (Lamzang khua lui) khua hong simin hong hal uh hi. Hih Salap pan galtai pawl khat Ngiatzang ah a tamzaw tung uh hi. Pawl khatte Muizawl ah tung uh hi. Tua bang a kithehthang na pan un kigawm kik theih nading khua khat sat hong kul hi.

2. Ngiatzang i cih pen tu a Lamzang khua ahi hi. Pu Eng Khual (Kawngte) in Lamzang khua pen bang a ci ding hiam ci-in ai san hi. Ngeina bangin vok go-in guapi thum pen suangthu bangin phut a, a nuai ah meilah dee in phuisamin ai a san leh a aisan man nailo pi-in aktui puakkham a, tolhkhia mang hi. Hih thu hangin Kawngte tultawi Pu Eng Khual in, “Nupa kikhan tul nuamte khua dang ah lal ta un, Lamzang khua mun sia hi,” ci-in amah zong a sanggampa Pu Lam Sel tawh Muizawl ah lalpah vingveng uh hi. Tua mah bangin mi pawlkhat Lamzang pan mun tuamtuam ah hong kikhen thang uh hi. Tua a kikhenthang unau sanggamte a kigawmkik theih na dingun khua thak khat sat kul hi.

3. Hih thu nih hangin Lamzang khua pan in Kawngte-te Muizawl, Tuicinlui, Tongsial khuate ah hong kikhenthang mang ciangin, Pu Hau Khai leh Pu Vum Vial in kaihkhop kik ding hong hanciam uh a, hih bangin thu hong vaikhak uh hi: “Sim ah Mal ah kikhenthang kei un, tul khatin om unla annek tuidawn a cimawh zawzaw na ki-en khial kei un, khua thak khat satin na kigawm kik ta un.”

Hih thu 3 teng hangin Salap (Lamzang khua lui) panin a kithehthang beh tuamtuam, bawng tuamtuamte tul kigawmkik theih nading lunggulhna tawh khua thak khat hong sat uh hi. Tua khua pen “Buanli” khua ahi hi.

Acing akim in Simna Link : http://www.laibusaal.com/2013/12/buanli-khua-taangthu.html

Leave a comment

Your email address will not be published.


*