Tulaai Leitung Thuthang Tuamtuam Updates

ADS

Tulaai Leitung Thuthang Tuamtuam Updates

May 21-22, 2016

• USA g leitang tung ah Zomi kitam tektek ta ahihman in tusung kha thum sung bekbek in Zomi sinsen Laaizom Mi-6 in ongnusia uhhi. Kum dang te tawh etkaakna  in amizong kitam ta hisam in kinaak sihmahmah mawk ahihman in Mundang a om ten thungetna ah ongphawk un.

• Kawlgam tawh gamveeng ahi Bangladesh gam ah May 21 ni in nasiatak in Cyclone huihpi leh guahpi nung in zu a, mi 24 si in Mihing 500,000 bang in Inn le lo te nusia in muanhuai na munkhatpeuh zong in taaikeek uhhi.BBC

• Afghanistan gam leh Pakistan gamgi dungto ah US ten athahnop penpen uh Taliban mihilo te makaaipipa Mullah Akahtar Mansor May 21,2016 ni in US gaal vanleeng ahawl mihing kisamlo Drone ten viklumta ci in US Gaalkaap te kipsakna neita uhhi.VOA

• Mipi teel Kawlgam kumpi U Htin Kyaw leh Russia President ongkimuh taktak ciangbel Mangkang pawl in Daw Aung San Suu Kyi in apa ngian azatlam mangngilh ta in lauthawng mahmah pah uha, May 22,2016 ni in US Secretary of State Mr John Kerry kawlgam vatu ding a, Pi Suut Cing leh apawlte tawh vakimuding kilamdan khat teitei omkha ding ci in pawlkhat ten lam en uhhi.VOA

• Ko gam ciciat a China leh akiim apaam teng akituh ziahziah na South China Sea tawh China-Sen gam te lam ah pang in thukimpihna anei gam 40 cingta a gamtampi ongkibehlap to laiding ci in China Gampua lam kizopna thunei Hua Chungying in May 20,2016 ni in genkhia hi. VOA

• Piantit gam Paris khuapi pan Egypt gam Cairo khuapi tungding a Lamkaal ah akia EgyptAir mi 66 apua peen akiat nading hi a upmawh Greek tuikulh kiim ah Egypt gaalkaap ten ninih sung nasiatak in azonkhit uhciang Vanthem pawlkhat muta uhhi.CNN

• Taiwan gam ah amasa peen Numei President Tsai Ing-wen  zong May 21,2016 ni in mipi leh thunei te maai ah kiciamna lata a nasepkipanding hita hi. Ut le ut takei leeng Leitung peen Zit e cih bangbang cih akul pianpian hita ee Papi pawl naak hanciam mahmah kuul kha in the. BBC

Leave a comment

Your email address will not be published.


*