Na mangngilh khat om!

ADS

Tangval khat in ansai ah a pa annek pih hi. A pa pen teek mahmah ta hi. An anek laitak un a pa in khateh tampi kiasak in, a kam kiim teng buan sak gawp hi. A puan zong niinsak gawp lai hi. Ansai sunga om tengin daai dide in patate annek laitak na en uh hi.
An a neek khit uh ciangin tangvalpa in a pa pen kisilbuuk ah paipih a, hoih tak sil siang hi. A puante nuulsak a, a mai zong nul siang sak hi. Tua khit ciangin a mitlimlangh tang takin bulh sak kik a, hoih tak a puah khit ciangin ansai ah lutkik hi. Sai neipa khiangah annek man sum a piak khit ciangin ciah uh hi.
Innpua a tunma diak un ansai sunga papi khat hong awng khia in, tangvalpa khiang, “Hey tangval, mangngilh khat nei ve teh aw” va ci hi.
Tangvalpa in zong lamdangsa in dawngkik a, “Bangmah mangngilh kei veng aw pu” acih hangin papipa in “Na mangngilh khat om hi. Na gamtatna leh na pa na itna nong lah khiat pen a thupi mahmah thuhilhna hi. Thuhilhna manpha mahmah nong nusia hi. Mikim in ciamteh in zui ta uh hen” ci hi. Ansai sunga an ne teng khempeuh apau aham kuamah om lo uh a, patate’n mual a khup dong un zahtaakna tawh daai takin en ngeingai uh hi.forgetting-curve-in-elearning-what-elearning-professionals-should-know-1-e1456238982693

Leave a comment

Your email address will not be published.


*