Nick tangthu

ADS

Nick Vujicic Nuntakna Kiukhat pan Thalakna *

> Nick pen December 4, 1982 in Melbourne, Australia ah hong piang hi. A nu sungpan a pian khiat in khut le khe nei loin hong piang khia hi. Pasian hehpihna tawh a veilam ah khemeng neu khat nei sam hi. Hi bangin khut le khe nei loin hong khangkhia hi. Mihing mah ahihna tawh kizui-in lungkia lua ahih manin kum 8 le 10 aphak lai in kisih bawl sawm ngei hi. Amah itna tawh a kem a khoi a nu le pa le api a khualna in na si ngam tatak sam lo hi.

> Tua khit lam ciangin a dinmun en nawn loin a tupna hong sangsaka, tha hong sanin pilna hong sin to a kum 21 a phakin Griffith University panin Bachelor of Commerce degree with a double Major in accountancy and finacial planning hong ngah hi.

> Ama’n a khe neihsun tawh minute khat sungin laimal 45 computer tawh khen thei a, drum tum thei, hai tawh tui dawn thei, a sam hiat thei, a hate nawt thei, phone tawh kiho thei, a mukmul a khamulte kiat thei,Tennis kimawl thei, Golf kimawl thei, tuipeek thei cih bangin na tampi sem thei hi.

> February 12, 2012 in Kanae Miyahara tawh kiteeng a, tapa Kiyoshi James (2013) le Dejan Levi(2015) nei in Southern California ah teeng uh hi.

> Kum 19 a phakin mipi mai ah thugen kipan a, 2009 & 2013 Metropolitan Youth Orchestra of Hong Kong ah “Unstoppable Hope” cih tawh thugenna nei in, World Leaders Forum Inspirational Series-Judson University ah zong speaker a sem hi.
-12 October 2015 akipanin TLC(TV Network) ah nisim nai khat ta thugenna hun a ngah hi.
-TED TV show ah zong motivational speaker a ngah hi.
-2013 kumin gam 24 ah zinin thugenna nei kawikawi a, Singapore President Tony Tan, Uruguay President Jose Mujica le Taiwan President Ma Ying-jeou-te tawh zong holimna hun a nei hi.
– 2014 kum ciangin gam 54 val ah zinin, mipi 400 million valte tungah 3,000 vei val thugenna a nei hi.

> Pahtawina tuamtuamte zong ngah a
– The Butterfly Circus short film ah actor semin tua film in the Doorpost Film Project ah top prize of 2009.
– 2009 tua film mah in pahtawina nih ngah a, the Best Short Film at 2010 Method Fest Independent Film Festival ah Best Actor tawh a ngah hi.
– The Feel Good Film Festival in Hollywood 2010 ah zong a ngah hi.
-1990 kumin Australian Young Citizen Award
-2005 kumin Young Australian of the Year
– 2007 kumin Well Done Award by Kingdom Assignment Organization

> Laibu zong na gelh a ama laibute leitungah a kideih mahmah laibu vive ahi hi.

A laibute
1). Life Without Limits(2010) hih laibu pen kampau nam 30 valin kiletkhia kik hi.
2). Your Life Without Limits(2012)
3). Limitless(2013)
4). Unstoppable(2013)
5). The Power of Unstoppable Faith(2014)
6). Stand Strong(2015)
7). Love Without Limits(2016)-te ahi hi.

> Tu-in “Life Without Limbs” cih NGO makaih in Evangelist le motivational speaker a sem hi.
a website www.nickvujicic.com

* Thalakna *

~ Nick ii nuntakna lungngai leng lungkiat huai thanem huai mahmah a, amah zong lungkia in na kisih bawl sawm ngei hi. Ahizong thathak, ngaihsutna thak, ngimna thak hong nei in hong kalsuan ciangin leitung pen a khenuai ah hong kun lel hi. Tu laitak na nuntakna ah si nuam zah dongin na lung akia lua hiam? Na si nuam mai hiam? Si nai peuhmah kenla thathak hong san pha dih in nikhat ni ciang leitung na khenuai ah kun ding hi.

~ A neihloh khut leh khe hangin khasia in phun nuam kha dinga a piangsak Pasian zong mawhsak nuam kha ding hi. Ahizong ama’n Pasian mawhsak het loin a neih sunsun leh a hihtheihna sunsun tawh hanciamin hong kalsuan zaw a, leitungah tangthu zaknop hong gelhin Pasian minthang sak hi. Sanggam na neihloh leh na hih theihlohnate hangin lungkia in phunphun in hong piangsak pa Pasian na mawhsak kha hiam? Na thuphate sim lecin hong hehpihna kicing hi. Na neihloh leh na kicinlohnate en kenla Pasian hong piak na neih thuphate met bawlin zang lecin na tangthu hong zaknopin Pasian minthang dinga mite ading thupha hong hi ding hi.
~ Lai sim mimal kim Topa’n a thakin thakhauhna hong guan ta hen!1 6e8a94c0-60f3-42e2-bfe7-7ad1a0c44a97 79d8a9159c4c522dc7a8e79db041dc5a e1cf7289-a574-46a5-b18f-be14fd164c6c

Leave a comment

Your email address will not be published.


*