Sean nuntakna

ADS

*Sean Stephenson Nuntakna Kiukhatpan Thalakna *

> Sean pen May 5,1979 kumin guh le tang gina neilo sa in hong suakkhia hi. Siavuante in dam zolo ding a sihpah dingin lamen uh ahih manin a Nu le pate kiangah, “Dam zolo dinga sihpah ding hi,” a ci uh hi. Chicago Children’s Hospital ah khoi in kem uh a, hong dam khuasuak sam hi. A hun saupi nat le sat tawh kidim hi.

> A nuntak tei hangin a pumpi mi cia, sia cia pha loin pi thum (3 ft: 91 cm) bek pha ahih manin tuphah pei nei(wheelchair) zangin nungta hi.

> Haksatna tampi kawmkal panin hong kalsuan toin mipi mai ah thugen dan cih khawng hong kisin to a, kum 17 a phakin mipi mai ah thugen ta hi.

> Make-A-Wish Foundationte huhna tawh 1998 kumin Tony Robbins tawh hong kimu kha a, tuapa in makaih in nuntak kalsuan zia le mipi mai ah thugen dan cihte hong hilh hi.

> Pilna hong sin to a kum 2001 kumin DePaul University pan Bachelor’s degree in Political Science hong ngah hi. Hih University ah a kah lai in President Bill Clinton le Illinois Congressman Bill Lipinski-te kepna huhna ngah hi.

> Hi bangin ama natna tawh haksatna a tuah ciangin midangte huh theih nading lunggulhna tawh Bennett/Stellar University ah Neuro-linguistic programming and Hynotherapy sin beh a, tua a sinna zom toin 2004 kumin American Pacific University pan Doctor of Clinical Hyponotherapy ngah hi.

> Thugen siam mahmah ahih manin khatvei thu a gen ciangin a tawmpen $ 15,000 pan $ 30,000 tawh kicial hi.

> November 2009 kumin “Three Foot Giant” cih thulu tawh “The Biography Channel” te’n ama thu le amah suaksak uh hi.

> Kum 2012 September 14 in Mindie Kniss tawh kiteeng hi.

> Laibu hoih mamah zong gelhkhia a
1). How You(th) Can Succeed!: Transforming Dreams into Reality for Young Adults(2001)
2). Get Off Your “But” !: How to End Self-Sabotage and Stand Up for Yourself(2009) cihte ahi hi.

> Tulaitakin Therapist; Author; moyivational speaker hi-in La Grange, Illinois ah om uh hi.

* Thalakna *

~ Sean leitungah mihing in hong piancil ni-in Siavuante’n dam zolo ding cih mahleh hong dam hi. A dam tei hangin mi bangin duang cing le picing takin dam khuasuak hi lo hi. Himah leh ama hong kalsuan toto a, mite sangin lawhcing gualzo zaw khat hong suak hi. Na nuntakna ah gina loin mibang zo kei phial mah lecin hanciam in kalsuan teitei lecin na thugen, na lasak, na laigelhte in man nei dinga lawhcinna na ngah ding hi.

~ Mel le sa ah mi banglo; duang le din ah mi banglo himah leh lungkia loin hanciam teiteina hangin leitungah mi manpha khat hong suak hi. Na mel na sa, na duang, na pil na siamna in cin na sa kei phial zongin lungkia loin hanciam teitei lecin na tangthu zaknop in mite thangahna hong suak ding hi.

*** Lai sim mimal kim hi tungtawn in tha thak a ngah dingin Topa’n thupha hong pia tahen!248153C300000578-2901728-image-a-9_1420713875757 maxresdefault (2) Sean-Stephenson-Wife small-husband-main

Leave a comment

Your email address will not be published.


*