ASSK MUANG NGAM TAKPI DIAMt

ADS

Daw Aung San Su Kyi in 21st century panglong khawmpi aman lang thei pen in bawl ding cih hong tangko khit asawt lo May 16 ni in Committee form zia ding leh a kihel ding kuateng cih hong genkhia hi.

Khawmpi akah thei ding party lam pan in chin state ah ZCD bek om aa thautawi lam pan in tu ciangciang cnf bek om pan hi. CSO (Civil Society Organization gtn ZNCM, ZOMUS, ZYA, ZOSIAM, Zonu Tongluan etc) lam leh Numei lam pan bel Zomi minpua akihel zoding kipawlna tutadih kamu naikei hi. Mimal in bel CSO mindang tawh akihel Zomi 1/2 khawng om kha thei.

May 31 ni in main committee leh sub-committee 2 kiphuan khia ta ci’n hong tangko uh hi. Sub-committee 1 in kumpi tawh kilemna¬† abawlsa NCA pawl (cnf leh apawlte) hopih ding aa sub-committe 2 in kilemna abawl nailo thawitawite hopih ding ci hi.

En pak leng lawphuai phial sam na ven ngaihsut ding pawl khat.

21st Century Panglong Conference pen 2010 kum October 24 ni ZNC birthday aa kawlpi pan aa tangkona pan hong piangkhia ahi hi. Tangkona ah bel Second Panglong (pinlong nihna) kici hi. Tua lai tak ASSK kiman lai aa tua zawh nipikal thum khit ahi November 13 ni in hong suakta hi. Hong suahtak khit teh “21st Century Panglong cizaw ni” hong ci khia hi.

Bang hang in tua ci sese aitam ? Bang hang Second Panglong ci nuamlo aitam ? Hih hi ka gennop pi.

1947 kum aa kibawl panglong thukimna ah athupi penpen ahi Secession Right (kawlgam pan paikhiat nop leh paikhiat theihna) kihel hi. Hih adeihlo pen hi ngelngel ding hi. Hih nungta kik leh kawlte tawh liangko kikim sitset ding hi hang. Ih kikim taktak ding pen ut ngeilo uh hi.

Second Panglong cinuam lo in 21st Century Panglong cise hi. Tua nangawn anung lam ah koih lai hi. Kilemna Khawmpi 21st Century Panglong cih sawm lai uh hi.

Tua ban ah:

Kilemna abawl nailo teng ka hopih ding uh acih uh hang galkap te’n MNDAA, TNLA, leh AA te tawh ka kiho kei ding uh hi ci’n tangko khia sese lai uh hi. Hong ki tukalh simtham hi.

Zomi te’n bang metna dok ding

Zogam galkap ZRA te’n Tonzang, Tedim, Tamu, Kawlpi, Falam etc ah zum hong hongzo leh vai tampi hong veng ding aa minampi ih suakbaih tuam mahmah ding hi. Tua apian theihna ding in ZCD in NLD kumpi tung ah Laipi khat hong phah himhim leh piang peelmawh ding hi. Paulap zongzong selo in mipi theih ding in ZCD in ngetna hong bawl giap leh hoih mahmah ding hi. ZRO makaipa 1990 kum gambup kitelpi ah Tonzang pan aa teelcing hibuang aih teh agenna baih mahmah lel hi.

A lunggulh huai:

1. ZRO zong khawmpi ah hong kihel thei hi leh Party lam Thawtawi lam avek aa ei hipah ding. Ih power hong kahto hanhan ding hi.

2. CSO lam pan kihel zawhna ding in tubang deihtak kithawi khol leng kilap lai mai thei hi. ZYA lam et om kasa pen hi.

Numei lam bel ki thanem mahmah lai. Zomi kipawlnate ah zong EC member numei om mahmah lo. Meeting te ah numei kihel kimu ngei mahmah lo. Mipi tawh kam kum ngiatngiat aa thu vai hawm kipawlna khat zong om nailo. Tua teng bel ki puah phat huai.

Tutung Daw ASSK ii thu vaihawmna ah lam et zah in hong gahkhia pah zuahzuah kei zong in Zomi te’n a met ih dok theih ding om veve hi.

 

ZoAw team

Leave a comment

Your email address will not be published.


*