A etteh huai nuntakna

ADS

* Li Juhong Nuntakna Kiukhatpan Thalakna *

> Li pen Wadian Village, Hechuan District, South-West China’s Chongqing a local doctor khat ahi hi.

> Ama kum 4 a phak 1983 kumin nursery sangkah a apaina ah motorpi(truck) khat in nawkkha a, accident tuak hi. Tua panin a khe tegel kitan sak hi.

> Nat le sat tampi thuakin lam pai thei loin kum 4 sung bang hun hong zat khit ama kum 8 ciangin a khut tegel le sing tutphah(wooden stools)te zangin lam pai hong kisin kik hi.

> Kha 4 sung bang khitui luang liang mahin hong kisin to a, atawpna ah hong zang thei ta hi.

> Tua bangin haksatna tampi tuakta se leh a neulai peka a sunmang khat ahiden ‘Siavuan'(doctor) hih ding tupna nei teta ahih manin a inn le lo nusia in mundangah pilna hong sin hi.

> Kum 2000 kum ciangin Vocational School pan gualzawhna hong ngah a, tua panin 2001 ciangin a khua vuah Siavuan a sem pah hi.

> Pasian thupha piakna tawh amah ahuh ding Xing kici pa tawh 2001 kumin kiteeng uh hi.

> Xing in Li tawh a kiteen uh ciangin ama nasep nusia in, a lawmnu huh a, innsung nasep bek hi loin a zi paina ah zui kawikawi hi.

> Li in a khut le a tutphahte zangin a pai zawhlohna munte ah a pasal Xing in a nungzangah pua in paipih den hi.

> Tua bangin huh a, cina kumtampian ama kiang a zuan zolo le khuadangte ah zong cina bawlin pai kawikawi uh hi.

> Li in kum 15 val sungin tutphah 30 val bang siat a, ama khuasung a om cina mi 6,000 val bang bawl hi. Wadian khuapen inn 300 val bang hi-in a kim ah inn 1000 val khuaneu pawlkhat tawh kizom hi.

> Li in a tuahkhak thute tung panin a gen kammalte in
~ “Pahtakna ka ngahloh hangin ka sep dinga kilawm ci-a ka ngaihsut ka sem hi. Siavuan khat ahi dingin ka zomtoto ding hi,” ci-in Local reporterte kiangah na gen hi.
~ Midangte tawh ka kingaihsut ciangin amaute sang haksatna ka thuak zaw hi. Ahizong amau le amau akihuhte Pasian in huh hi, cih kammal om ka um a, tua tawh thala in ka mainawt hi,” ci-in a gen hi.

* Thalakna *

~ Li ii nuntakna ah haksatna tampi thuakin maizum huai mahmah taseleh a tupna ahi Siavuan a suah theih nadingin haksatnate thuakin Zatui siamna a sin hi. Tua mah bangin haksatna tampi kawmkal pan Siavuan hong suak takpi a, mite ading thupha hong hi hi. I nuntakna sungah haksatna i thuakkha mah ding hi. Ahi zongin Pasian hong piak i visionte i tangtun nadingin lungkia loin nawksuak teitei ni! Tua hileh i sunmang tangtungin mite ading thupha ihi ding hi.

~ Xing in ama nasep nusia in azi huh a, a kisap leh a nungzangah pua in, a kisap leh a sawn kawikawi manin cina tampite a hunlap in kibawl thei a, mite nuntakna tampi kihonkhia hi. Tua mahbangin i zi i pasalte huh in panpih ding kisam hi. Midangte nuntakna ah phattuamna apiangsak ding ahih naakleh midangte huh leh panpih ding lunghiang kei ni!

~ Kha cina taksa cina nite’n damna a ngah theih nadingin Pasian nasemte panpih ni! I manam ading nasemte panpih ni! Na hoih a semte panpih ni! Tua hileh i ci uh damin lungdamin i nungta thei ding uh hi.

××- “BEEM PAN KHAT” cih thulu tawh laibu thak ading kong maleppihna ahi hi.
××- Nunglam a kong postteng tawh mi nga bang kong gelhkhia ta hi. Bangci sa, laibu ah hel huai dinga kilawm midang i theih a om leh hong hilh un cih huhna zong hong gen beh nuam.ing!

×× – Lai sim mimal kim Topa’n thathak hong guan teitei ta hen!eb5802a6-bc86-4df9-8f32-ac5d1b034145

Leave a comment

Your email address will not be published.


*