Nungaknam 3

ADS

download (2)
1. Nungak
2. Nungak bit
3. Nungak siangtho
Leitung nuntak zia tawh ki tuak in nuntak khuasak zia, om dan khawl dan , nek leh dawn dan a ki pan ngei n ate zong ong ki khel to to hi.
Nitum na lam te ih ngei na leh gamtat zia te’ zong gam khan toh na tawh ki tuak in Kawl gam ah mun tam pi ong la tahi. A bei sa hun lai in gam ong kek a , gam ong luah te’ in thau vui thau tang tawi hi mah ta leh tu hun in thau vui thau tang ki sam het lo in lung sim puak zia, nik leh puan silh zia, ngei n ate tawh zong tam pi in ki mu thei hi. Tua te ih lung ngaih kik tak ciang in ih phawk loh kal in mi uk na nuai ih tun na na hi gige hi.
Nitum na lam ngei na te’ tam pi mun ong lak cian gin khang no te’ lung sim ki sia in , a hoih lo lam teng ki et teh kha thei zaw sawp hi.Kepcing ding in ki lawm te ‘ ki zang khial in nop sak na lam pi ki zui khial hi. A bei sa lawm ki ngai te ni in ……
Lawm ki ngai teni cih pen kawl gam a ding in ih zat luat leh nithu pi a ki ciam teh na hi masa het lo hi. A hi zong in lawm ki ngai ki it te’ ki kal ah itna lah na, khat leh khat ki phawk n ate; ki lah na ding in , Paak hoih no no , Chocolates te’ khat leh khat ki pia in nuam sa hil hial a ki thuah khop cih ciang hi leh pen ih sang thei hi. Tua a hih leh Lawm ki ngai te ni a ih san theih loh pen bang pen a hi tam . Letsong ki pia in nop sak na bek hi lo in nuntak na ah kep cing ding pum pi ki piak na a suah ciang in ih san theih loh thu ong suak hi.
U Thang, U Khai ci in Lawm ki ngai te’ ni ci in nget huai loh leh phal huai nail oh te’ ih ki piak khak tak ciang in lung nop na sang in dah na kha siat na in ong nung zuih thei zaw hi. Lawm ki ngai te’ ni ciang in Hotel , Motel te ah mi dim in Token tawh ki ngak cih bang ih Kawl gam ah ih muh ciang in ih lung tang su kha mah mah hi. Tua a hih man in ki dop siam ding a mang ngilh kha zel sang gam nungak te’ tung ah phawk thak ding in lai ong gelh nuam ing.

1. Nungak
Nungak ih cih in bang hiam?
Ih vek pi in ih theih hi ……. Nungak ih cih tak ciang in pasal nei nai lo nungak hi . Pasal nei nai lo, ki ten na bang mah nei ngei nai lo ih cih hang in lawmpa zong nei ngei ding a, lawm ngaih din mun sang in zong gam ta kha ngei phial ding a , a hi zong in a sem a mau te gel bek theih pih hi ding hi. Mi te’ muh na ah nu ngak ki ci in , tua te’ nu ngak ki ci hi. HIh nungak te pawl pen pasal nei ngei nai numei khem peuh a ki hel hi.

2. Nungak bit
Nungak sinsen ih cih in pasal tawh kit eng ngei lo ih cih khem peuh ki hel zonawn lo hi. Bang hang hiam cih leh lawm ngaih zong nei ngei mah ding a, a hi zong in lawm ngaih ciang tawh hi in a maa nungak na kem cing in , khialh na a nei lo nungak hi. A lawm ngaih tawh kinam ki tawp ngei mah ding a, a hi zong in lup khop na ciang a nei lo nungak pen nungak sit ki ci hi.
3. Nungak Siangtho
Nungak siang tho ih cih tak ciang in nungak khem peuh ki hel zo nawn lo ding hi. Tu hun nuntak tawh tawm mah mah ta ding a, Nungak siangtho ih cih te’ in koi cid an te hiam ?? Nungak siangtho ih cih in pasal khat zong a lung sim sung pan ngai kha thei mah ding a, a hi zong in pasal tawh ki zop na khat zong om lo , lung sim sung na ngawn ah zong zahmawh thu ngaih sut a nei lo mi, lung sim siang tho tak a nungta nungak te hi. Nitum nag am uk na leh lawh na tam pi a om lai tak in hih bang nungak ih muh na ding bel hak s amah mah ta hi.
Nungak siang tho cih tha dah nungak sit na ngawn zong haksa ta ci in na khui sa kha uh hiam. Ei leh ei ki kep siam ding ei mawh puak hi. Khat peuh ih cih tak na tawh ki kep siam theih thu hi lo in ei mah ngiat ih ki kep siam ding a thu pi hi. Nungak siangtho cih ih hih zawh kei phial leh zong nungak bit ih hih nang han ciam ni.
Kawlgam nuntak hak sat zia hang in nu leh pa te’ sum zong in pai khiat nahang in tate’ hun bit in kep ding hak sa sem sem ta hi. Ei leh ei ki kep siam ni san ggam nungak te aw.

Leave a comment

Your email address will not be published.


*